comunicado di prensa: Ex campeon mundial Henk Meijer a duna su ultimo tipsnan pa Best of the Best Powerade Taekwondo Cup.
Comunicado di prensa
Ex campeon Mundial Henk Meijer a duna su ultimo tipsnan pa Best of the Best
Powerade Taekwondo Cup.
Ex campeon mundial Henk Meijer a duna su ultimo training na e cede di Brazil
Taekwondo Stichting pa Best of the Best Powerade Taekwondo Cup diaranson
ultimo. Presente na e training tabata e atletanan di Brazil Taekwondo
Stichting y algun atleta di Barry Boys Taekwondo Center, atletanan di
Crotalus Taekwondo Center. Moises Dumfries y Rendinier Tromp kendenan ta e 2
refereenan di diasabra tambe tabata presente. Eric Barry di San Nicolas
Taekwondo Center a bin presencia e training. Docter Viviana Bustos y
Guaicapuro Jimenez ambos di Crotalus Taekwondo Center tambe tabata presente.
E training a cuminsa pa 5’or di atardi y a termina pa 6:45. Un training cu
hopi tecnicanan pa contra atake. Henk Meijer a splica e atletanan dicon ora
di bringa mester score cu e pia dilanti. Awor cu e Olympiada a caba, Henk
Meijer sa yen tecnica cu a wordo usa na London, cu a haci cu e Taekwondo di
antes ta pasado.
Henk Meijer a desea tur e atletanan cu ta participando den Best of the Best
Powerade Taekwondo Cup hopi exito diasabra awor dia 1 di September den
Centro Deportivo Betico Croes.
Alberto Klaber
Brazil Taekwondo Stichting
[nggallery id=13]
